Sumanget jeung optimisme katangen dina Rapat “Persiapan Rechecking Apresiasi Kampung Keluarga Berkualitas (KKB)” dina Kemis, 21 Maret 2024.
Penjabat Ketua TP PKK Kota Sukabumi, Diana Rahesti ngébréhkeun sumanget yén Kampung KB Kasébor Kecamatan Baros baris pinunjul dina “Lomba Kampung Keluarga Berkualitas”.
Dina ieu rapat, Diana Rahesti negeskeun pentingna program KKB anu sakuduna dikokolakeun nepi ka tingkat kelurahan, boh kuantitas, ogé kualitasna.
Kampung KB Kasébor Kecamatan Baros geus mintonkeun rupaning préstasi jeung kamonésan, salah sahijini inovatif jeung krétatif dina ngaronjatkeun kualitas hirup masyarakat.
Sok sanajan kitu, sangkan Kampung KB Kasébor pinunjul, Diana Rahesti miharep dirojong ku tiap dinas jeung pihak séjénna. Hal ieu negeskeun, suksésna tahapan rechecking ditangtukeun ku sumanget rempug jukung sauyunan antara pamaréntah jeung masyarakat.
Ku asupna Kampung KB Kasébor kana “4 Besar tingkat Jawa Barat” mawa hal positif keur Kota Sukabumi. Pj. Ketua PKK Kota Sukabumi miharep, KBB Kasébor baris mawa Kota Sukabumi jeung jadi pinunjul di tingkat Provinsi Jawa Barat.
Sababaraha hal anu geus disiapkeun –boh ku pamaréntah, ogé masyarakat - dina raraga rechecking KKB nyaéta: tarékah dina ngaronjatkeun kaséhatan, pendidikan, ékonomi, katahanan kulawarga, jeung ngaraksa sarta ngariksa lingkungan.
Tim penilai Rechecking baris nganiléy Kampung KB Kasébor dina ngawujudkeun program KKB nepi ka bisa mawa akibat anu alus keur masyarakat. (Kang Warsa)
DOKPIM KOTA SUKABUMI
Pranata Kehumasan
Ross Pristianasari
